حنين

حبيبي/ كريم

امبارح ربنا أكرمني وزرتك، كنت مبسوط قوي وأنا معاك، دعيت لك واتكلمت معاك زي ما اتعودنا، بلغتك سلامات وتحيات وأشواق أمك وأختك

الرخامة المكتوب عليها اسمك وتاريخ وفاتك أول مرة أشوفها امبارح متعلقة على واجهة مثواك الطاهر، بوستها وحسست عليها بأيدي وأمعنت النظر في كلماتها وحروفها،عمري ما اتخيلت اني أشوف اسمك الجميل( كريم بدوي مطر) في المكان ده، اخر مرة اتكلمنا فيها على كتابة يافطة باسمك ده كان عشان نعلقها على باب شقتك بالهرم

كتير فكرنا وكتير اتمنينا وحلمنا ، لكن إرادة الله كان ليها رأي تاني

نتمني من الله الرحمن الرحيم أن يغفر لك ياحبيبي كل ذنوبك وأن يبدلك دارا خيرا من دارك، وأهلا خيرا من أهلك، وأن يمتع ناظريك برؤية زوجاتك من حور العين، ويملأ قبرا بالرضا والنور والفسحة والسرور، وأن يجعلك آمنا مطمئنا إلى يوم يبعثون، ويتم رضوانه عليك بأن يجعلك ممن قال في حقهم:

(فَأَمَّا إِنْ كَانَ مِنَ الْمُقَرَّبِينَ ﴿٨٨﴾ فَرَوْحٌ وَرَيْحَانٌ وَجَنَّتُ نَعِيمٍ ﴿٨٩﴾ وَأَمَّا إِنْ كَانَ مِنْ أَصْحَابِ الْيَمِينِ ﴿٩٠﴾ فَسَلَامٌ لَكَ مِنْ أَصْحَابِ الْيَمِينِ ﴿٩١﴾